Әскери бөлімге саяхат!!!

2016жылдың 13қыркүйек күні «Нұр Отан»партиясы жанындағы «Жас Отан»Жастар қанатының Астана қалалық филиалы Қазақстан Республикасы Ұлттық ұланының қолдауымен «Жастар –Отанға!»партиялық жобасы «Әскердегі бір күн»атты мектеп оқушыларына арналған экскурсияға №29орта мектептің 9 «а,б,в»сыныптарынан 67 оқушы қатысты.Экскурсия осы аталған мектеп орналасқан «Теміржолшылар»кентінің шығыс бөлігінде орналасқан  №68665аэроұтқыш әскери бөлімшеде жүргізілді. Оқушыларды директордың тәрбие ісі жөніндегі орынбасары Мусатаева Науат Шаяхметовна және мектептің әскери даярлық пәні бойынша жетекші Ахмадиев Бекболат Айтжанович бастап апарды.Әскери бөлімше қызметкерлері  оқушыларға  бөлімше туралы толық мәлімет берді.Әскер қатарындағы жауынгерлердің бір күндік атқаратын қызметі туралы айта жүріп,олардың казармаларымен,қару сақтайтын қойма сияқты обьектілермен таныстырды.Ашық аспан астындағы әскери техникалар орналасқан көрмемен таныстырды.Экскурсия барысын ақпараттық-телевизиялық  «Хабар»агенттігі түсірді.Оқушылар патриоттық сезімдерін шыңдап,өте керемет әсерлер алды.Өз қуаныштарын әскери бөлімше қызметкерлеріне алғыс ретінде жеткізді, «тағы да осындай экскурсиялар көп болса» деген ойларын жасырмады.Болашақ мамандық таңдауда кей балалар әскери қызметкер болғысы келетінін де айтты.Мектеп әкімшілігі тарапынан ұйымдастырушыларға алғыс білдіреміз.


                   



                   

Комментарии